Dette lurer mange på

Frå 2026 vil eit nytt biogassanlegg på Voss ta imot matavfall frå hushald i regionen. Der blir avfallet omgjort til biogass, som kan brukast som drivstoff, og biogjødsel som lokale bønder nyttar på jordene sine. Slik får næringsstoffa i matavfallet nytt liv i eit lokalt og berekraftig krinsløp.

Ved å sortere matavfall reduserer du mengda restavfall og tek vare på verdifulle ressursar – ei enkel handling med stor miljøgevinst!

Etter innsamling blir glas- og metall-emballasjen sendt til Sirkels gjenvinningsanlegg i Fredrikstad. Her blir materiala skilde frå kvarandre og sorterte etter kvalitet. Glaset blir smelta om til ny emballasje, medan metallet blir gjenvunne til nye produkt.

Både glas og metall kan smeltast om uendeleg mange gonger utan å miste kvalitet – ein stor fordel for miljøet og eit viktig bidrag til å redusere behovet for nye råvarer.

Dersom du allereie komposterer heile året og derfor ikkje kastar matavfall saman med restavfallet, kan du melde frå at du ikkje treng matavfallsspann ved å sende inn dette skjemaet til oss. Meld frå så snart som mogleg.

NB: Spannet kan i enkelte tilfelle bli sett ut sjølv om reservasjonen er sendt inn. Spannet må då oppbevarast lett tilgjengeleg på eigedomen til vi får henta det inn igjen.

Fleire hushald i eit nabolag kan gå saman om å dele spann for éin eller fleire avfallstypar. Sidan BIR ikkje kan påleggje kundar å dele spann, og ordninga byggjer på samarbeid, må ho etablerast av naboane sjølve. Då kan éin person ta initiativet, avklare med aktuelle naboar og melde inn ønskje om deling ved å bruke dette skjemaet.

I vår tid med aukande forbruk av ressursar er det nødvendig å bruke avfallet på nytt fleire gonger.

Sjølv om nokre kan vere uroa for plass eller av andre personlege grunnar ikkje ønskjer fleire spann, er det viktig å merke seg at spanna er knytte til eigedomen – ikkje til den enkelte bebuaren. Vi har forståing for at eit nytt spann krev litt plass, men sidan folk flyttar inn og ut, er det vårt ansvar å sørgje for at alle bustader har nødvendige løysingar for avfallssortering i tråd med nasjonale forskrifter.

Ein måte å spare plass på er å dele spann med naboar. Fleire hushald i eit nabolag kan gå saman om å dele spann for éin eller fleire avfallstypar. Sidan BIR ikkje kan påleggje kundar å dele spann, og ordninga byggjer på samarbeid, må ho etablerast av naboane sjølve. Då kan éin person ta initiativet, avklare med aktuelle naboar og melde inn ønskje om deling ved å bruke dette skjemaet.

Glas- og metallemballasje: I dette spannet skal du kaste tom emballasje av glas og metall, som til dømes syltetøyglas, hermetikkboksar, påleggstubar og aluminiumsformer. Lause, utan pose.

Matavfall: I dette spannet skal du kaste restar etter måltid og matlaging sortert i papirposar, som blir brukt saman med ei kjøkkenkorg du får utdelt oppi spannet.

Les meir om sortering her:

Veiledning til god sortering med de nye spannene - BIR

Vekta på spannet vil variere etter innhaldet. Metallemballasje som hermetikkboksar og aluminiumsformer veg lite, medan glassemballasje kan gjere spannet tyngre.

Mange opplever òg at spannet sjeldan blir heilt fullt, og for dei fleste er vekta overkommeleg å trille fram til hentestaden. Dersom du likevel synest spannet blir tungt å handtere, til dømes på grunn av helseutfordringar, kan du levere delar av glaset til eit returpunkt i nærleiken for å redusere vekta.

All kjeldesortering er inkludert i grunngebyret. Det er berre restavfall som kostar ekstra. Derfor løner det seg å bruke dei nye sorteringsspanna godt – jo meir som blir sortert riktig, desto mindre restavfall og lågare gebyr.

Returpunkta kan bli redusert etter kvart som fleire får henteordning heime. Det vil likevel alltid finnast nokon returpunkt for glas- og metallemballasje på sentrale stader, slik at du kan levere ekstra emballasje dersom spannet heime blir fullt.

Årsaka er at spanna må ha denne høgda og utforminga for at vi skal kunne tømme avfallet over på renovasjonsbilane. Av hygieniske grunnar rår vi alle til å setje ut matavfallsspannet kvar tømmedag, sjølv om det berre er nokre få posar i spannet.

Papirposen er den einaste posetypen som er 100 % fornybar og utan risiko for å spreie mikroplast til landbruket. Undersøkingar har vist at mikroplast blir spreidd i gjødsel til landbruket, både frå vanleg plast og bioplast.

Papirposane er av same type som i mange år har vore brukte i store delar av Sverige. Dei er spesiallaga for matavfall og toler ein god del fukt. Det er likevel nokre ting å hugse på når du brukar posen.

Les her om kosrleis du brukar papirposen riktig. 

Når du treng fleire posar, kan du hente dei i dei fleste daglegvarebutikkar og i miljøparken.

Dersom fleire enkeltspann ikkje er ei optimal løysing på grunn av plassmangel eller andre forhold, kan styret ta kontakt med BIR for å vurdere moglegheita for ei fellesløysing.

Vi gjer merksam på at spann som oftast blir delte ut til kvar enkelt hushald før ei eventuell fellesløysing er på plass. Når fellesløysinga blir etablert, hentar BIR inn dei overskytande spanna.

Bur du i eit bygg med fleire bueiningar der de deler løysing for restavfall, blir talet på spann vi deler ut tilpassa kor mange hushald som er registrerte der.

• 1–2 bueiningar får 1 spann for matavfall og 1 spann for glas- og metallemballasje

• 3–4 bueiningar får 1 spann for matavfall og 2 spann for glas- og metallemballasje

Papirposar og kjøkkenkorger blir lagt i spannet i nok mengd til kvar husstand. Dette gjeld òg eigedomar med utleigeeining.

Den nye avfallsforskrifta § 10a-5  pålegg kommunane å sørgje for henteordningar ved bustaden. Tidlegare har matavfall vore frivillig og glas- og metallemballasje stort sett blitt levert til returpunkt. No blir henteordning standard for dei fleste hushald.

BIR samarbeider direkte med burettslag for å finne gode løysingar for plassering og felles bruk av behaldarar. Dette skjer gjennom ein eigen dialogprosess med kvart burettslag.